“Apple” şirkəti uzun illərdən sonra ilk dəfə olaraq Çində tələbin azalmasından ehtiyat edərək yeni “iPhone”ların qiymətlərini rəsmi olaraq aşağı salıb. Bu barədə Bloomberg məlumat yayıb.

Qiymət endirimi müvəqqəti xarakter daşıyacaq və Çin Yeni ili öncəsi satış mövsümü olan 18 yanvar - 21 yanvar 2024-cü il tarixləri arasında davam edəcək. Endirim 500 yuan olacaq ki, bu da təxminən 70 dollar və 6,1 min rubl təşkil edir. 15 yanvar 2024-cü il tarixinə olan məzənnə ilə, yəni iPhone 15 təxminən 5% ucuzlaşacaq.

Bloomberg yazır ki, Apple məhsullarının rəsmi qiymətlərinin aşağı salınması, demək olar ki, görünməmiş bir haldır. Nəşrin müsahibə verdiyi ekspertlər hesab edir ki, Apple bu addımı şirkətin ən böyük bazarlarından biri olan Çində iPhone 15-ə tələbatın azalmasından ehtiyat edərək atıb.

Bildirilir ki, iPhone 15 Çində 2022-ci ildə əvvəlki nəsil cihazlardan daha pis başlayıb. Analitiklər bunu Huawei Mate 60-ın uğurlu ev buraxılışı, eləcə də bəzi dövlət təşkilatlarında iPhone istifadəsinə qoyulan qadağalarla əlaqələndirirlər.

Eyni zamanda, Apple yeni MacBook Air modelinə 800 yuan (110 dollardan çox) endirim edib.