Gürcüstanda bir yolu təmir edə bilməyən (hətta müqaviləni pozacaq qədər), lakin dərhal digərinin bərpasını öz üzərinə götürən şirkət geniş rezonans doğurdu. Azadmedia.az xarici kiv-lərə istinadla xəbər verir ki, səlahiyyətlilər yaranan ziddiyyətə münasibət bildirib.
Tbilisinin mərkəzindəki Tsereteli prospektini təmir edə bilməyən şirkət daha bir şans əldə edib: o, Gürcüstanın rayonlarında yolları təmir etməli olacaq, media yazır.
Söhbət R.T.D şirkətindən gedir - o, İqoeti-Kaspi-Axalkalaki avtomobil yolunun (Şida Kartli və Samtsxe-Cavaxeti) qaydaya salınması üçün tenderdə qalib gəlib.

Vəziyyəti Gürcüstanın Regional İnkişaf Nazirliyi şərh edib. Yollar Departamenti açıqlama verib ki, yeni müsabiqə şirkətin əvvəlki müqaviləsinə xitam verilməzdən əvvəl baş verib.
Meriya R.T.D. ilə əməkdaşlığı müddətləri qaçırdığı və keyfiyyətsiz iş apardığı üçün dayandırmışdı.