Rusiya prezidenti Vladimir Putin “Russneft” şirkətinin səhmlərindən istifadə etməklə əməliyyatların aparılmasına icazə verib. Müvafiq sərəncam hüquqi aktların dərci üçün rəsmi internet portalında dərc olunub.
Yanvarın 25-də məlum olub ki, Putin Rusiya şirkətinə ukraynalı iş adamı Rinat Axmetova məxsus Donskoy Antrasit və Obuxovskaya Mədən İdarəsi müəssisələrini almağa icazə verən sərəncam imzalayıb. Sərəncama əsasən, “Best Resolution” Səhmdar Cəmiyyəti bu müəssisələrin “Fabcell Limited”ə məxsus səhmlərinin 100 faizini almaq hüququ əldə edib.

Dekabrda Putin Dow Europe Holding B.V.-yə məxsus Finndisp kimya müəssisəsinin satışına icazə verib.