SOCAR-ın "Azəriqaz" İstehsalat Birliyinin həyata keçirdiyi layihələrdən biri olan "Açıq mikrofon" aksiyası həftənin ilk günü Hacıqabul rayonunun Qızılburun kəndində baş tutub. Birliyin Salyan Regional qaz istismarı İdarəsinin rəhbər şəxsləri vətəndaşlarla görüşərək, qaz təchizatı ilə bağlı problem və təkliflərini dinləyiblər. Kənd sakinləri Gülnarə Həsənovanın və Dəmirəl Məmmədovun müraciətləri dəymiş ziyanla bağlı hesablanmış məbləğə yenidən baxılması ilə bağlı olub. Ramazan Rəsulov isə fərdi yaşayış evinə quraşdırılan qaz sayğacının əvəzlənməsini xahiş edib. Maarif Rəsulovun müraciəti fərdi qaz tənzimləyicidə bəzi hallarda yaranan nasazlıqla bağlı olub. Görüş zamanı səsləndirilən bütün müraciətlər qeydiyyata alınıb, sakinlərin sualları cavablandırılıb.