Son illər Azərbaycanın qeyri-neft-qaz sektorunda aparılan islahatlar və dəstək tədbirləri bu gün sabit iqtisadi artımı təmin edir. Bunu Bakıda keçirilən “Vergi sistemi yeni inkişaf dövründə: dayanıqlı iqtisadiyyat üçün strateji hədəflər” mövzusunda keçirilən forumda Azərbaycanın iqtisadiyyat naziri vəzifəsini icra edən Mikayıl Cabbarov deyib.

“Dövlətimiz dünyada qlobal çağırışlara adekvat yanaşma nümayiş etdirir. Ölkəmizdə neft və qaz hasilatının proqnozlaşdırılan azalması və dünya bazarlarında qiymətlərin aşağı düşməsi fonunda ÜDM-in nominal həcminə təsir təbii və gözlənilən idi. Halbuki biz bu prosesə hazır idik. Son illər qeyri-neft-qaz sektorunda aparılan islahatlar və dəstək tədbirləri bu gün sabit iqtisadi artımı təmin edir. 2023-cü ildə qeyri-neft-qaz sektorunun artım tempi 3,7 faiz təşkil edib”.