Lək kəndində təşkil edilən “Səyyar qəbul otağı” digər aksiyalardan fərqlənirdi desək yanılmarıq. Çünki Ucar rayonunda baş tutan həftənin sayca sonuncu “Açıq mikrofon” aksiyasına qatılan 10-dan çox sakin problemini söyləməyə deyil, problemlərinin həlli səbəbindən ölkə başçısına minnətdarlıqlarını ifadə etməyə gəlib. Artıq bu ildən etibarən Lək kəndinin sakinlərinin mavi yanacaqla təminatı yenilənmiş qaz xətləri vasitəsilə həyata keçiriləcək. Ağsu RQİİ-nin məsul şəxsləri abonentləri dinlədikdən sonra lazımi məlumatları vətəndaşların diqqətinə çatdırıblar.