“Şahdəniz-2” layihəsi çərçivəsində “Şahdəniz” yatağının şimal-şərq cinahından hasilata başlanılıb. Bu barədə BP məlumat yayıb.

Məlumata görə, buna qədər şimal-şərq cinahında bütün müvafiq tikinti işləri və istismar sınaqları uğurla başa çatdırılaraq sistem istifadəyə verilib.

Bildirilib ki, hazırda yataqda mövcud qurğuların gücü sutkada 79 milyon kubmetrə yaxındır (ildə təxminən 29 milyard).