Rusiya Səyahət Agentlikləri Alyansının (ATA) vitse-prezidenti Alexan Mkrtçyan Şengen vizasının verilməsinə praktiki zəmanət verən şərtlərdən danışdı. Azadmedia.az xəbər verir ki, onun sözlərini “İzvestiya” yayıb.

"Böyük bir hesab olmalıdır, yaxşı olar ki, 1 milyon rubldan çox olsun və bu milyon rublu bir neçə günə götürmək üçün yox, pul altı aydan çox müddətə hesabda qalmalıdır" - deyən vitse-prezidentin sözlərinə görə, ən azı 100.000 rubl maaş da vacibdir.

O, həmçinin qeyd edib ki, ən azı 50 000 avro məbləğində sığorta tələb olunur. Mkrtçyan əlavə edib ki, pasportda əvvəlki səfərlər və vizalar haqqında məlumatlar olmalıdır. O, həmçinin bilet almaq və otel bron etmək zərurətinə diqqət çəkib, qeyd edib ki, bütün bu şərtlər yerinə yetirilərsə, rusiyalıya Şengen vizası veriləcəyinə zəmanət verilir.

Bundan əvvəl Rusiya Turoperatorları Assosiasiyası (ATOR) rusiyalılar üçün Şengen vizası almağın ən asan yolunun Macarıstan və Yunanıstanda olduğunu bildirmişdi.

Finlandiyanın Yle portalı yazıb ki, Finlandiya gömrük və sərhəd orqanları Rusiyadan Finlandiyaya alış-veriş üçün gələn turist axınının qarşısını ala bilmir.