Azərbaycanın Baş naziri Əli Əsədov prezidentin sahibkarların hüquqlarının müdafiəsi üzrə müvəkkili Boris Titov ilə ticarət-iqtisadi sahədə əməkdaşlığın gələcək inkişaf perspektivlərini müzakirə edib. Azadmedia.az xəbər verir ki, bu barədə çərşənbə günü Azərbaycan Nazirlər Kabinetində məlumat verilib.

Görüşdə Azərbaycan-Rusiya münasibətlərinin hərtərəfli inkişafı müzakirə olunub.

Azərbaycanda əlverişli investisiya mühiti və Rusiya biznesinin ölkədə geniş təmsil olunması müsbət qiymətləndirilir.

Tərəflər iki ölkənin işgüzar dairələri arasında qarşılıqlı əlaqələrin qurulmasının və qarşılıqlı işgüzar missiyaların davam etdirilməsinin vacibliyini qeyd ediblər.

Görüşdə, həmçinin ticarət-iqtisadi, investisiya, sənaye və qarşılıqlı maraq doğuran digər sahələrdə əməkdaşlığın daha da inkişaf etdirilməsi perspektivləri müzakirə olunub.