“Gürcü Arzusu” partiyasının parlament fraksiyasının sədri Mamuka Mdinaradze bu gün, mayın 2-də jurnalistlərə müsahibəsində partiyanın qurucusu və keçmiş baş nazir Bidzina İvanişvilinin İsveçrənin “Credit Suisse” bankında 2 milyard dolların bloklanmasının “qeyri-rəsmi” olduğunu bildirib.
İnterpressnews xəbər verir ki, cənab Mdinaradzenin sözlərinə görə, məhdudiyyətlər “Ukraynada müharibə başlayandan sonra” “dünya müharibəsi tərəfi” Bidzina İvanişvilindən “siyasətə qayıtmağı və Gürcüstanı Rusiyaya qarşı müharibəyə sürükləməyi” tələb edən zaman tətbiq edilib.

Avropanın heç bir ölkəsi cənab İvanişviliyə qarşı sanksiyaların tətbiq olunduğunu rəsmən açıqlamayıb. 2 milyard dolların bloklanması 2016-cı ildə Credit Suisse menecerlərindən biri Patris Lekordonenin dələduzluğu məlum olduqdan sonra baş verib. O, iş adamının xəbəri olmadan tanışlarının itkilərini ödəmək üçün hesablarından pul köçürüb. 2007-2011-ci illər arasında ümumilikdə 89 milyon dollar, 24 milyon avro və 9 milyon İsveçrə frankı köçürülüb.

2017-ci ilin avqustunda Bidzina İvanişvili Sinqapur, Yeni Zelandiya və Bermud adalarında Credit Suisse-ə qarşı iddialar qaldırıb. İş adamının təqdim etdiyi sənəddə kredit təşkilatının 2007-2011-ci illərdə dələduzluqdan xəbəri olduğu, lakin bunun qarşısını almaq üçün heç bir tədbir görmədiyi qeyd olunub. Bu ilin fevralında Bloomberg agentliyi Credit Suisse-in Bidzina İvanişviliyə 210 milyon dollar ödədiyini bildirmişdi.Qalan məbləğin ödənilməsi barədə məlumat verilmir.