Azərbaycan prezidenti İlham Əliyev ötən həftə Bakıda Türkiyə lideri Rəcəb Tayyib Ərdoğanla danışıqların yekunlarına dair mətbuat konfransında bildirib ki, o, hər dəfə Türkiyə prezidenti ilə görüşəndə ​​nəqliyyat məsələlərini o cümlədən Azərbaycan Respublikası ilə Ermənistan Respublikası arasında nəqliyyat və iqtisadi əlaqələrin - Zəngəzur dəhlizinin blokdan çıxarılmasını da müzakirə ediblər.

Əliyev bir daha vurğulayıb: “Zəngəzur dəhlizinin açılması qaçılmazdır. Nə qədər tez açılırsa, bir o qədər yaxşıdır. İstənilən halda biz bu istiqamətdə səylərimizi artıracağıq. Bu dəhlizin açılması bütün ölkələr üçün yeni imkanlar yaradacaq və regionda işgüzar əməkdaşlığa müsbət təsir edəcək”, - Əliyev əlavə edib.
Niyə Şimal-Cənub və Zəngəzur dəhlizi layihələrinin həyata keçirilməsi Rusiya-Azərbaycan münasibətlərində strateji istiqamətə çevrildi - Moskva-Bakı Fond Bazarı və İdarəetmə İnstitutunun baş iqtisadçısı Mixail Belyayev belə şərh edir:
"Rusiya ilə Qərb arasında münaqişənin sözün əsl mənasında “partlaması” ilə əlaqədar yeni nəqliyyat və logistika zəncirlərinin formalaşdırılması Moskva üçün əsas, həyati strateji vəzifələrdən birinə çevrilib. Dünya dəyişir, geosiyasi vəziyyət dəyişir, onunla bərabər geoiqtisadi vəziyyət də dəyişir. Rusiya, Azərbaycan kimi dövlətlər isə belə dəyişiklikləri nəzərə alaraq təkcə regional deyil, qlobal xarakter daşıyan layihələr həyata keçirir, əlaqələri möhkəmləndirirlər. Həm Moskva, həm də Bakı birqütblü dünyadan uzaqlaşmanın belə bir ssenarisini qabaqcadan görürdülər. Səbəbsiz deyil ki, 2022-ci ildə Rusiya və Azərbaycan Müttəfiq Əməkdaşlıq Bəyannaməsini imzaladılar. Vaxtilə işə salınan, lakin tam istifadəyə verilməyən kifayət qədər köhnə “Şimal-Cənub” layihəsi indi yenilənib. Rusiya rəsmiləri müntəzəm olaraq Şimal-Cənub nəqliyyat dəhlizinin əhəmiyyətini təbliğ edirlər".