Rusiya Müdafiə Nazirliyi: Qarabağda atəşkəs rejiminin pozulması ilə bağlı iki fakt qeydə alınıb

Rusiya sülhməramlılarının məsuliyyət zonasında Dağlıq Qarabağda atəşkəs rejiminin iki dəfə pozulması faktı qeydə alınıb. Azadmedia.az xəbər verir ki, bu barədə Rusiya Müdafiə Nazirliyinin bülletenində məlumat verilib.

“Martuni və Şuşa rayonlarında atəşkəs rejiminin iki dəfə pozulması faktı qeydə alınıb. Tələfat yoxdur”, - deyə məlumatda bildirilir.

O da qeyd olunur ki, Rusiya komandanlığı Azərbaycan və Ermənistanla birlikdə bu faktlarla bağlı araşdırma aparır.

Avqustun 8-də Rusiya Müdafiə Nazirliyi bəyan edib ki, Rusiya sülhməramlıları Dağlıq Qarabağda atəşkəs rejiminin pozulması faktını qeydə alıblar. Bunun Əsgəran rayonunda baş verdiyi dəqiqləşdirilib.

Bundan əvvəl Ermənistanın baş naziri Nikol Paşinyan rus sülhməramlılarından Laçın dəhlizi ilə bağlı izahat tələb edib. Onun sözlərinə görə, Azərbaycan 361 tona yaxın humanitar yardımı Dağlıq Qarabağa buraxmır.

İyunun 11-də Rusiya Müdafiə Nazirliyi Rusiya Silahlı Qüvvələrinin Dağlıq Qarabağ Respublikasının Şuşa rayonu ərazisindəki sülhməramlılarının məsuliyyət zonasında atəşkəs rejiminin iki dəfə pozulması faktı qeydə alındığını, itkilərin olmadığını bildirib.