İsrailin Ynet xəbər portalı xəbər verir ki, İsrail Müdafiə Qüvvələri Qəzza zolağında ən yüngül və dəqiq silahlardan istifadə etdiyini və beynəlxalq qanunlara uyğun olaraq fəaliyyət göstərdiyini bildirib.

İsrail ordusunun sözçüsü Conatan Konrikus vurğulayıb ki, İsrail ordusu beynəlxalq hüquqa sadiqdir və ümumiyyətlə Qəzza zolağında konkret hədəfləri vurmaq üçün mövcud olan ən yüngül və dəqiq silahlardan istifadə etməyə çalışır. O, həmçinin qeyd edib ki, İsrail ordusunun silahları NATO standartlarına cavab verir.

Azadmedia.az xəbər verir ki, bundan əvvəl ABŞ prezidenti Co Baydenin İsrailin Qəzza zolağının işğalının böyük səhv olacağını dediyi bildirilirdi. Onun sözlərinə görə, Qəzza zolağında baş verən gərginlik Fələstinin Həmas hərəkatı ilə bağlıdır. Amerika liderinin sözlərinə görə, bu hərəkatın ifrat elementləri bütün fələstinliləri təmsil etmir.

Bayden daha əvvəl demişdi ki, İsrail Fələstinin Həmas qruplaşmasına qarşı döyüşərkən “müharibə qaydalarına” əməl etməlidir.