İran xarici işlər nazirinin müavini Əli Baqiri Qani cümə axşamı Rusiya Xarici İşlər Nazirliyində Fələstin-İsrail münaqişəsi zonasındakı vəziyyət, İranın nüvə sazişi, o cümlədən Cənubi Qafqaz, Mərkəzi Asiyadakı vəziyyət və bununla bağlı məsələlərlə bağlı məsləhətləşmələr aparıb. Smolenskaya meydanında Ukrayna böhranı da müzakirə edilib.
Azadmedia.az xatırladır ki, oktyabrın 23-də Tehranda keçirilən Cənubi Qafqaz üzrə “3+3” Məşvərətçi Regional Platformasının nazirlər görüşünün nəticələri də nəzərə alınmaqla regionda vəziyyətin sabitləşdirilməsi üçün çoxtərəfli sazişlərin həyata keçirilməsinin vacibliyi vurğulanıb. Məlumatı mediaya Rusiya Xarici İşlər Nazirliyi yayıb.