Avropa Komissiyasının Rusiya neftinin 60 dollar/barel qiymət limitinə riayət edilməsini sərtləşdirmək üçün təklif etdiyi tədbirlər Rusiya tankerlərinə qarşı sanksiyaları nəzərdə tutmur. Azadmedia.az xəbər verir ki, bu barədə Reuters xəbər verir.

Daha əvvəl “Financial Times” öz mənbələrinə istinadən yazıb ki, Danimarka Rusiya tankerlərinin öz ərazi sularından keçməsini yoxlamaq və qarşısını almaq hüququna malik olacaq.

Aİ diplomatlarından biri nəşrə deyib: “Avropa Komissiyasının təklifində belə bir şeyə rast gəlmədik”. Dəniz hüququ sahəsində üç ekspert də hesab edir ki, Danimarka boğazlarında gəmilərin bloklanması dəniz qanunvericiliyinə zidd olacaq.