Hər bir xalqın həyatında elə günlər olur ki, o günlər tarixin axarını dəyişir, gələcəyə işıq saçır.
Azərbaycan xalqı üçün bu günlərdən biri də 12 Noyabr – Konstitusiya Günüdür!

Bu tarix – xalqın iradəsinin səsi, müstəqilliyin rəmzi, azadlığın möhürü kimi yaddaşımıza həkk olunub.
1995-ci ilin 12 noyabrında Azərbaycan öz tarixinin ən mühüm səhifəsini açdı – ilk milli Konstitusiyamız qəbul edildi!

Konstitusiya – sadəcə qanun kitabı deyil.
O, xalqın arzusu, dövlətin təməli, vətəndaşın haqqı və gələcəyin qarantıdır.
O, hər birimizin azad yaşamaq, təhsil almaq, söz demək, seçmək və seçilmək hüququnu qoruyur.
Bu sənəd bizim kim olduğumuzu, hansı dəyərlərə sahib çıxdığımızı və hara doğru getdiyimizi göstərir.
Konstitusiyamızda yazılan hər bir maddə xalqın iradəsindən doğub.

O, ədalətə, bərabərliyə, insan hüquqlarına əsaslanır.
Bu dəyərlər Azərbaycan dövlətinin sütunlarıdır.
Bu gün biz qürurla deyə bilərik ki, ölkəmizin Konstitusiyası müasir dünyanın tələblərinə cavab verən, insanı mərkəzə alan bir qanundur!
12 Noyabr – bu gün biz yalnız bir sənədi deyil,
xalqın birliyini, dövlətin qüdrətini, azadlığın əbədiliyini qeyd edirik.

Bu gün biz bir daha anlayırıq ki, Konstitusiya – güclü dövlətin ürəyidir!
Ona görə də hər bir Azərbaycan vətəndaşı bu sənədə hörmətlə yanaşmalı, onun dəyərlərini qorumalı və gələcək nəsillərə ötürməlidir.
Yaşasın müstəqil Azərbaycanın Konstitusiyası!
Yaşasın xalqın iradəsi!
Yaşasın azad və qüdrətli Azərbaycan!



Afət Bəşirzadə