“19 saylı Xüsusi Təyinatlı Yol İstismarı” İdarəsinin işçi heyəti avtomobil yollarında bərpa və təmizlik tədbirlərini davam etdirir.

Məlumata görə, hazırda Bakı–Şamaxı avtomobil yolunda təmizlik işləri həyata keçirilir. Yol kənarlarında yığılan tullantıların daşınması, hərəkət hissəsinin təmizlənməsi və yol infrastrukturunun saz vəziyyətə gətirilməsi istiqamətində tədbirlər görülür.

Qurumdan bildirilib ki, görülən işlər sürücülərin təhlükəsiz və rahat hərəkətinin təmin olunmasına xidmət edir. Bərpa və təmizlik tədbirlərinin mərhələli şəkildə davam etdiriləcəyi qeyd olunub.