Ulu öndər Heydər Əliyevin anadan olmasının 103-cü ildönümünə həsr olunmuş “Ömrünü xalqına bəxş edən Lider” devizi altında Lürən ərazi partiya təşkilatında tədbir keçirilmişdir.

Tədbirdə ərazi partiya təşkilatının üzvləri, ictimaiyyət nümayəndələri və kənd sakinləri iştirak ediblər. Əvvəlcə Ulu Öndərin əziz xatirəsi ehtiramla yad olunub, onun Azərbaycan dövlətçiliyinin möhkəmləndirilməsi, müstəqilliyimizin qorunub saxlanılması və ölkənin hərtərəfli inkişafı istiqamətində gördüyü mühüm işlərdən bəhs edilib.

Çıxış edənlər Heydər Əliyevin zəngin siyasi irsinin bu gün də uğurla davam etdirildiyini, onun müəyyən etdiyi inkişaf strategiyasının Azərbaycanın tərəqqisində mühüm rol oynadığını vurğulayıblar. Bildirilib ki, Ulu Öndərin xalqına bağlılığı, uzaqgörən siyasəti və qətiyyəti hər bir vətəndaş üçün nümunədir.