Fövqəladə Hallar Nazirliyinə (FHN) müraciət etmək istəyən vətəndaşlar artıq bunu "MyGov" platforması vasitəsilə də həyata keçirə biləcəklər.

Nazirliyin yaydığı məlumata görə, yenilik vətəndaş müraciətlərinin daha rahat qəbul edilməsi, xidmətlərin rəqəmsallaşdırılması və məmnunluğun artırılması məqsədi daşıyır.

Bundan sonra istifadəçilər "MyGov" platformasının "Dövlət qurumlarına rəsmi məktub" bölməsinə daxil olaraq FHN-i və ya nazirliyin müvafiq qurumunu seçməklə elektron müraciətlərini göndərə biləcəklər.

Müraciətlərə verilən rəsmi cavab isə FHN tərəfindən hazırlanaraq vətəndaşın "MyGov" platformasındakı şəxsi kabinetinə göndəriləcək.