Yasamal rayonunda keçirilən kütləvi tədbir zamanı iri LED ekran aşıb.

Hadisə Məhəmməd Naxçıvani (6-cı Paralel) küçəsində qeydə alınıb. Hadisənin görüntüləri sosial şəbəkələrdə yayılıb.

İlkin məlumata əsasən, ekran ehtiyatsızlıqdan insanların dayandığı əraziyə düşüb. Hadisə nəticəsində bir qadının xəsarət aldığı bildirilir.

Qeyd olunur ki, hadisə AYNA tərəfindən Mikromobillik həftəsi çərçivəsində təşkil olunan “Avtomobilsiz gün” tədbirində baş verib.

Hadisənin təfərrüatları ilə bağlı əlavə məlumat veriləcəyi gözlənilir.