Dağlarda qar, bəzi ərazilərdə dolu gözlənilir

Azərbaycanda oktyabrın 7-də hava şəraitinin qeyri-sabit keçəcəyi gözlənilir.

Bakıda və Abşeron yarımadasında gecə və səhər yağışın intensivləşəcəyi, bəzi yerlərdə güclü yağacağı ehtimal olunur. Günün ikinci yarısında yağıntıların kəsiləcəyi bildirilir.

Paytaxtda temperatur gecə 15-17°, gündüz 18-22° isti olacaq.

Bölgələrdə arabir yağış yağacaq. Bəzi yerlərdə leysan xarakterli intensiv yağıntı, şimşək və dolu gözlənilir. Dağlıq ərazilərdə qar yağacağı ehtimal edilir. Gecə və səhər bəzi şərq rayonlarında yağıntılar güclənəcək.

Havanın temperaturu rayonlarda gecə 11-16°, gündüz 20-25°, dağlarda gecə 2-7°, gündüz 13-18° isti olacaq.