Bu barədə onun yaxınları məlumat yayıblar.

74 yaşlı veteran hərbçinin Bakıda xəstəlik səbəbindən dünyasını dəyişdiyi bildirilib.

Qeyd edək ki, Növrəstə Yusifova sovet dövründə Bakıda qülləli kran maşinisti kimi çalışıb. O, Azərbaycanın 7-ci dərəcəli ilk qadın maşinisti olub.

Atıcılıq idmanı ilə məşğul olan Yusifova 1974-cü ildə Azərbaycan çempionatında ikinci, 1975-ci ildə isə birinci yeri tutub.

O, 17 mart 1992-ci ildə ilk qadın snayper kimi ordu sıralarında qeydiyyata alınıb və 1992–1994-cü illərdə Birinci Qarabağ müharibəsində snayper kimi iştirak edib.

Hərbçilər arasında “Xalaqızı” ləqəbi ilə tanınan Növrəstə Yusifova 1997-ci ildən Qarabağ Əlilləri və Veteranları Cəmiyyətinin sədri vəzifəsini icra edirdi.