Ermənistan MTX-nin məlumatına görə, Tovuz sakini sərhədi yolu azaraq keçib.

Ermənistan Milli Təhlükəsizlik Xidməti Tavuş vilayətində aşkarlanan azərbaycanlı vətəndaşla bağlı açıqlama yayıb.

Məlumata əsasən, həmin şəxs 1968-ci il təvəllüdlü Qasımov Yaşar Əli oğludur. O, oktyabrın 19-da saat 17:50-də Tavuş vilayətində müəyyən edilib.

Bildirilib ki, Tovuz rayonunun Çatax kəndində yaşayan Yaşar Qasımov yoxlamalar zamanı yolu azaraq Ermənistan ərazisinə keçib.

Onun Azərbaycana geri qaytarılması üçün müvafiq işlərin aparıldığı qeyd olunub.