Azərbaycanın Milli Qəhrəmanı İbad Hüseynov Gürcüstanda saxlanılıb.

Məlumatına görə, bu barədə onun yaxınları sosial şəbəkələrdə məlumat yayıblar.

Bildirilib ki, oktyabrın 22-də Gürcüstana səfər edən İbad Hüseynov hava limanında gömrük əməkdaşları tərəfindən saxlanılıb. Ona ölkəyə girişinə icazə verilməyəcəyi bildirilib.

Azərbaycanın Gürcüstandakı səfirliyinin müdaxiləsindən sonra İbad Hüseynov sərbəst buraxılıb.

Qeyd edək ki, Milli Qəhrəman oktyabrın 23-də Gürcüstanda keçiriləcək tədbirdə iştirak etmək məqsədilə Tbilisiyə gedib.