Milli Qəhrəman, general-mayor Polad Həşimovun xəstəxanaya yerləşdirilən anası Səmayə Həşimovanın vəziyyəti açıqlanıb.

Sumqayıt Tibb Mərkəzindən “Qafqazinfo”nun sorğusuna cavab olaraq bildirilib ki, Səmayə Həşimova oktyabrın 27-də saat 10:00 radələrində Mərkəzin 2 nömrəli Şəhər Xəstəxanasına yerləşdirilib.

Müayinələr zamanı pasiyentə arterial hipertenziya, şəkərli diabet və ürək çatışmazlığı diaqnozları qoyulub. Həmçinin onda pnevmoniya əlamətləri aşkarlanıb.

Hazırda S.Həşimovanın müalicəsi Terapiya şöbəsində davam etdirilir. Vəziyyəti stabil qiymətləndirilir.

Qeyd edək ki, Səmayə Həşimovanın 77 yaşı var.