On minlərlə etirazçı Tel-Əvivin mərkəzində toplaşıb, hakim koalisiya ilə müxalifət arasında yeni qanunvericiliyin təşviqində kompromis tapa bilməyən danışıqların nəticəsiz qalması fonunda Benyamin Netanyahu hökumətinin məhkəmə islahatına qarşı mitinq keçirib. Bu barədə RİA Novosti məlumat yayıb.

Bu şənbə günü etiraz təşkilatçıları böyük şəhərlər də daxil olmaqla, İsrail boyu 150 yerdə mitinqlər elan ediblər. Kütlənin ictimai tədbirlərdə davranışını öyrənən İsrailin Crowd Solutions şirkətinin məlumatına görə, Təl-Əvivin Kaplan küçəsindəki əsas etiraz aksiyasına təxminən 130 min insan toplaşıb. Etiraz təşkilatçılarının dediyinə görə, şənbə günü gecə İsrail boyu təxminən 300,000 adam küçələrə çıxıb, onların yarısı Təl-Əvivin Kaplan küçəsində, hökumət binaları kompleksinin yerləşdiyi Azrieli qovşağının yaxınlığında aksiya keçirib.