Rusiya Ukraynadakı münaqişəni mümkün qədər tez bitirmək istədiyini, lakin bunun yalnız əvvəlcədən müəyyən edilmiş strateji məqsədlərin tam icrası ilə mümkün ola biləcəyini bildirir. Kremlin sözçüsü Dmitri Peskov, Moskvada keçirilən brifinqdə Rusiya tərəfinin siyasi və diplomatik həlli ən üstün variant kimi gördüyünü vurğulayıb. O, Minsk və ya digər platformalarda danışıqlara hazır olduqlarını, lakin sülhün şərtlərinin 2022-ci ilin fevralında açıqlanmış “demilitarizasiya” və “denazifikasiya” məqsədlərindən asılı olduğunu bildirib.

Peskov danışıqlar prosesinin Rusiya səbəbindən dayandırılmadığını, əksinə Qərb dövlətlərinin Kiyevə hərbi qələbə illüziyası yaratdığını iddia edir. O, Avropa ölkələrini Ukraynanı “danışıqlardan uzaqlaşdırmaqda” günahlandırıb. Kremlin sözçüsü cəbhə xəttindəki vəziyyətin “dinamik” olduğunu, Ukraynanın mövqelərində “tənəzzülün davam etdiyini” söyləyib.

Peskovun sözlərinə görə, Ukrayna daxilində Rusiyanın irəli sürdüyü şərtlərlə sülhün tərəfdarlarının sayının zamanla artacağı gözlənilir. O, daxili siyasi gərginliyə baxmayaraq cəmiyyətdə müharibənin davamına münasibətin dəyişdiyini iddia edib.

Kreml sözçüsü həmçinin Qazaxıstanın Moskva-Kiyev dialoquna ev sahibliyi etmək niyyətini yüksək qiymətləndirib. O, Astananı “xüsusi və imtiyazlı tərəfdaş” adlandıraraq prezident Kasım-Jomart Tokayevin Rusiyaya dövlət səfərinin hazırlıqlarının tamamlandığını bildirib.

Peskov, Rusiya prezidenti Vladimir Putinin Hindistana səfərinin 2025-ci ilin sonuna plannediyini də təsdiqləyib. Bu səfərin ikitərəfli əlaqələrin möhkəmlənməsi baxımından “mühüm əhəmiyyət daşıdığını” qeyd edib.