ABŞ-ın Aeronavtika və Kosmik Tədqiqatlar Agentliyi — NASA — güclü Günəş fəallığı səbəbindən planlaşdırılan buraxılışını təxirə salıb. “KANNİBAL”” adlandırılan bu nadir hadisə iki fərqli Günəş fırtınasının toqquşması nəticəsində yaranır və son 20 ilin ən güclülərindən biri hesab olunur.

Britaniya Geoloji Xidməti xəbərdarlığını maksimum səviyyəyə qaldıraraq, artıq bəzi rabitə və peyk naviqasiya sistemlərində nasazlıqların qeydə alındığını bildirib. Fırtınanın bu gün Britaniya və Avropa üzərinə çatacağı gözlənilir.

NASA-nın “ESCAPADE” adlı missiyası Jeff Bezosun “Blue Origin” şirkətinə məxsus “New Glenn” raketi ilə Marsa göndərilməli idi. Lakin agentlik buraxılışın kosmik hava şəraiti sabitləşənədək təxirə salındığını açıqlayıb.

Mütəxəssislər xəbərdarlıq edirlər ki, fırtına GPS, rabitə sistemləri və enerji xətlərində fasilələrə səbəb ola bilər. Bununla yanaşı, bu fenomenin nəticəsində bu gecə Şimal işıqları dünyanın bir çox yerində müşahidə edilə bilər.