Qırğızıstanın təxminən 25,5 min vətəndaşı növbədənkənar parlament seçkilərində xaricdə səs verib.

Bu barədə ölkənin Xarici İşlər Nazirliyi məlumat yayıb.

Məlumata görə, 30 noyabr saat 00:00-a (Bakı vaxtı ilə 1 dekabr saat 02:00) olan vəziyyətə görə, xaricdəki seçki məntəqələrində səsvermədə iştirak edən vətəndaşların sayı 25 458 nəfər təşkil edib.

"Sonuncu səsvermə mərhələsi 1 dekabr saat 10:00-da (Bakı vaxtı ilə 12:00) ABŞ-nin San-Fransisko şəhərində yerləşən seçki məntəqəsində başa çatacaq", – məlumatda qeyd olunub.