ABŞ Prezidenti Donald Tramp Avropanın diqqətini Qrinlandiyaya deyil, Ukraynadakı müharibəyə yönəltməli olduğunu bildirib və Qrinlandiya məsələsində razılaşma əldə olunmayacağı təqdirdə Avropa ölkələrinə qarşı tariflərin tətbiq ediləcəyini bəyan edib.

NBC News-a verdiyi qısa telefon müsahibəsində Tramp qeyd edib ki, Avropa ilə Qrinlandiya mövzusunda razılıq əldə olunmasa, ABŞ “100 faiz” tarif tətbiq edəcək. Onun sözlərinə görə, Avropa hazırda əsas diqqətini Rusiya–Ukrayna müharibəsinə yönəltməlidir.

ABŞ prezidentinə Qrinlandiyanın ələ keçirilməsi üçün güc tətbiqinin mümkün olub-olmadığı ilə bağlı sual ünvanlandıqda isə o, bu mövzuya şərh verməkdən imtina edib.