İsrailin dağıdıcı briqadaları işğal altında olan Şərqi Qüdsdə BMT-nin Fələstinli Qaçqınlara Yardım və İşlər üzrə Agentliyinin (UNRWA) baş qərargahının sökülməsinə başlayıb.
İsrail tərəfi kompleksin yerləşdiyi ərazinin özünə məxsus olduğunu bildirir və UNRWA-nı HƏMAS tərəfindən sızmaya məruz qalmaqda ittiham edir.

Rəsmi Təl-Əviv agentliyin fəaliyyətinin təhlükəsizlik riskləri yaratdığını iddia edir.
UNRWA isə bəyan edib ki, sökülən bina və ərazi beynəlxalq konvensiyalarla qorunur. Agentlik etiraf edir ki, UNRWA-nın doqquz əməkdaşının 7 oktyabrda HƏMAS-ın həyata keçirdiyi hücumlarla əlaqəsi ola bilər, lakin İsrailin daha genişmiqyaslı iştirakla bağlı iddialarını təsdiqləyən heç bir sübut təqdim etmədiyini vurğulayır.

Hadisə yerindən BBC-nin müxbiri Con Sadvert reportaj hazırlayıb. O, BMT obyektinin sökülməsinin beynəlxalq hüquq və humanitar normalar baxımından ciddi suallar doğurduğunu qeyd edib.