Avropa İttifaqının (Aİ) Hindistana ixracı tərəflər arasında bağlanmış yeni ticarət sazişi çərçivəsində malların 96,6 %-nə tətbiq olunan tariflərin ləğvi və ya azaldılması sayəsində 2032-ci ilə qədər iki dəfə artacaq.

Tariflərin azaldılması gömrük rüsumlarında illik təxminən 4 milyard avroya qənaət etməyə imkan verəcək.

Hazırda tərəflər arasında ticarətin illik dəyəri 180 milyard avrodan çoxdur və Aİ ölkələrində 800 minə yaxın iş yerini dəstəkləyir. "Saziş Aİ-nin əsas sənaye və aqrar-qida sektorlarına əhəmiyyətli rəqabət üstünlüyü verəcək, şirkətlərin dünyanın ən çox əhalisi olan (1,45 milyard nəfər) və illik ÜDM-i 3,4 trilyon avro olan ən sürətlə böyüyən iri iqtisadiyyata imtiyazlı çıxışını təmin edəcək", - bəyanatda deyilir.