Almaniyanın ən böyük şəhərlərində genişmiqyaslı tətillər keçiriləcək və bu müddət ərzində ictimai nəqliyyat dayandırılacaq. Xarici KİV-in yaydığı məlumata görə, müvafiq olaraq, Berlin, Hamburq və Bremendə ictimai nəqliyyat xidmətləri tamamilə dayandırılacaq. Şimali Reyn-Vestfaliya, Meklenburq-Ön Pomeraniya və Brandenburq əyalətlərinin demək olar ki, bütün böyük şəhərlərində ictimai nəqliyyat dayandırılacaq. Aşağı Saksoniya bu tətillərdən təsirlənməyəcək yeganə əyalət olacaq.

Adı çəkilən həmkarlar ittifaqı, xüsusən də həftəlik ümumi iş saatlarının və növbə müddətlərinin azaldılmasını tələb etməklə, Almaniyanın 16 federal əyalətinin hamısında işəgötürənlərə təzyiq göstərməyə çalışır. Həmkarlar ittifaqının üzvləri həmçinin daha uzun istirahət fasilələri və gecə növbələri və həftə sonları üçün daha yüksək bonuslar tələb edirlər.

Almaniyadakı 150 ictimai nəqliyyat şirkətindən təxminən 100.000 işçinin tətildə iştirakı gözlənilir.