Apreldə Ermənistan Atom Elektrik Stansiyası 5 ay müddətinə ölkənin elektrik şəbəkəsindən ayrılacaq. Bu barədə Ermənistanın ərazi idarəetmə və infrastruktur naziri Davit Xudatyan bildirib.

Bununla belə, o, əmin edib ki, ölkənin enerji sisteminin digər imkanları sayəsində Ermənistanda enerji təchizatı problemi yaranmayacaq. Xudatyan izah edib ki, Ermənistanda enerji təchizatının ümumi payında günəş elektrik stansiyalarının gücü 1100 MVt təşkil edir; yəni cəmi 15 faizdən bir qədər azdır.

Nazir əlavə edib ki, İranla enerji sahəsində gözəl əməkdaşlıq qurulub.

"2025-ci ildə biz [yəni Ermənistan] [İrana] sabit şəkildə elektrik enerjisi veririk və oradan [təbii] qaz alırıq. Üçüncü Ermənistan-İran yüksək gərginlikli xəttinin tikintisi 85 faiz tamamlanıb", - deyə Xudatyan əlavə edib və tikintinin 2026-cı ildə başa çatacağına ümid etdiyini bildirib və bu, İrana elektrik enerjisinin verilməsini artırmağa imkan verəcək.