Mənbələrin məlumatına görə, ABŞ prezidenti Donald Trampın həyat yoldaşı Melaniya Tramp ilə ögey qızı İvanka Tramp arasında münasibətlər ciddi şəkildə gərginləşib. Jurnalist Rob Şuterin Naughty But Nice adlı Substack bloqunda yazdığına görə, onların pərdəarxası münasibətləri demək olar ki, mövcud deyil.
Mənbələrdən biri bildirib ki, “Onların arasında real əlaqə yoxdur. Bir-biriləri ilə heç nə paylaşmırlar, hal-əhval tutmurlar və bir-birilərini dəstəkləmirlər.”

Digər bir mənbə isə qeyd edib ki, “Onlar demək olar ki, danışmırlar. Danışdıqları zaman isə bu, yalnız zəruri hallarda, qısa və rəsmi şəkildə baş verir.”

Məlumata görə, bu gərgin münasibətlər İvanka Trampın Melaniya Trampa həsr olunmuş sənədli filmi izləməkdən imtina etməsinə də təsir edib. Mənbə bildirib ki, “İvanka filmi izləməyib və izləməyi də planlaşdırmır. Bu, şüurlu şəkildə verilmiş qərardır.”

Eyni münasibətin qarşılıqlı olduğu vurğulanır. Bildirilir ki, əgər İvankanın öz sənədli filmi olsaydı, Melaniya da onu izləməkdən çəkinərdi. Mənbənin sözlərinə görə, “Onlar bir-birinin həyatına maraq göstərmir. Fərqli dünyalar, fərqli prioritetlər və emosional bağ yoxdur. Üstəlik, bu gərginliyin ömür boyu davam etməsi onları narahat etmir.”

Mənbələr bildirir ki, İvanka Melaniyanın layihəsində qəsdən yer almayıb. “Aralarında real gərginlik var və Melaniya İvankanın layihədə iştirak etməsini istəmədiyini açıq şəkildə bildirib,” – deyə insayder qeyd edib.

Gərginliyin köklərinin Donald Trampın ilk prezidentlik dövrünə gedib çıxdığı bildirilir. Həmin dövrdə Melaniya Tramp oğulları Barrona görə Nyu-Yorkda qaldığı üçün İvanka Vaşinqtonda faktiki olaraq bir sıra Birinci xanım funksiyalarını yerinə yetirib.
NewsNation-a danışan mənbənin sözlərinə görə, Melaniya 2019-cu ildə Böyük Britaniyaya səfər zamanı İvankanın diqqət mərkəzində olmasından özünü “kölgədə qalmış” hiss edib. Mənbə əlavə edib ki, “Bu, bir daha baş verməyəcək. Melaniya indi ilk prezidentlik dövrü ilə müqayisədə öz gücünə və nəzarətinə daha çox əmindir.”