ABŞ həm Rusiya, həm də Ukrayna ilə aparılan danışıqlarda müəyyən irəliləyiş əldə edir.
Bu barədə ABŞ-ın vitse-prezidenti JD Vance Fox News telekanalına müsahibəsində bildirib.
Onun sözlərinə görə, Vaşinqton hər iki tərəflə dialoqu davam etdirir və proses mərhələli şəkildə irəliləyir.

“Düşünürəm ki, biz həm ruslarla, həm də ukraynalılarla irəliləyiş əldə edirik. Sadəcə olaraq bu istiqamətdə işi davam etdirməliyik”, – deyə Vance vurğulayıb.

Vitse-prezident əlavə edib ki, ABŞ prezidenti hazırkı mərhələdə danışıqların uğurla başa çatdırılacağına ehtiyatlı nikbinliklə yanaşır.

Qeyd edək ki, Vaşinqton son aylarda Rusiya–Ukrayna münaqişəsinin diplomatik yollarla həlli istiqamətində fəallığını artırıb. ABŞ rəsmiləri tərəflər arasında atəşkəs və mümkün razılaşma variantlarının müzakirə olunduğunu bildirirlər.