Çinin İsraildəki səfirliyindən verilən açıqlamaya görə, hazırda Yaxın Şərqdə təhlükəsizlik riskləri artır.

"İsraildəki Çin vətəndaşlarından İsrail hökuməti tərəfindən verilən hadisələri və təhlükəsizlik xəbərdarlığını yaxından izləməyə, yüksək sayıqlıq göstərməyə, təhlükəsizlik tədbirlərini və fövqəladə hallara hazırlığı gücləndirməyə, lazımsız səyahətlərdən çəkinməyə, yaxınlıqdakı bomba sığınacaqları və evakuasiya yolları ilə tanış olmağa, şəxsi əşyalarının və əmlaklarının təhlükəsizliyini təmin etməyə çağırılır."

Hazırda İsrailin əksər əraziləri səyahət üçün "narıncı" (yüksək riskli), şimal sərhədi və Qəzza yaxınlığındakı ərazilər isə "qırmızı" (son dərəcə yüksək risk) kimi təsnif edilir.

Çin vətəndaşlarına yaxın vaxtlarda “qırmızı” zonalara getməkdən çəkinmələri tövsiyə olunur. Artıq bu ərazilərdə olanlar mümkün qədər tez təhlükəsiz yerlərə köçməli və mühüm qurum və obyektlərə yaxınlaşmamalıdırlar”, - deyə məlumatda qeyd olunub.