ABŞ prezidenti Donald Tramp Böyük Britaniyanın baş naziri Starmerin İrana zərbələr endirməkdə “əməkdaşlıq etmək istəmədiyini” deyib.

Ağ Ev rəhbəri telefonla The Sun-a deyib: "Mən heç vaxt İngiltərədən bu yanaşma ilə qarşılaşacağımı düşünməmişdim". "Münasibətin əvvəlki kimi olmadığını görmək çox kədərlidir."

Bundan əvvəl Starmer parlamentdə demişdi ki, onun hökuməti “hava zərbələri vasitəsilə rejimin dəyişdirilməsi ehtimalına inanmır”. Böyük Britaniya hökuməti əvvəlcə ABŞ-ın İrana hücumlar üçün öz bazalarından istifadə etməsinə icazə verməkdən imtina etdi, lakin sonradan onun İranın hərbi obyektlərinə qarşı “müdafiə” zərbələrində iştirakına icazə verdi.

KİV-in məlumatına görə, Starmer beynəlxalq hüquq çərçivəsində İrana zərbələr endirmək üçün kifayət qədər əsas görməyib.

Tramp “The Sun”a müsahibəsində də Fransanın mövqeyini yüksək qiymətləndirib. "Fransa əla iş gördü. Qalan hər kəs əla iş gördü. Lakin Britaniya çox fərqli idi", - ABŞ prezidenti deyib.