Gürcüstanda bir qrup şəxs Rusiya vətəndaşlarını girov götürərək onlardan külli miqdarda pul tələb edib. Hadisə ilə bağlı 7 nəfər saxlanılıb.

Bu barədə Gürcüstan Daxili İşlər Nazirliyi məlumat yayıb. Bildirilib ki, təqsirləndirilən şəxslər gecə saatlarında qaz sızması bəhanəsi ilə aldadaraq Rusiya vətəndaşlarının yaşadığı evə daxil olublar.

Məlumata görə, onlar soyuq silahdan istifadə edərək və öldürməklə hədələyərək zərərçəkənlərdən 2 min ABŞ dolları, mobil telefonlar və noutbukları alıblar. Daha sonra isə əlavə olaraq 300 min dollar tələb ediblər və əks halda onları öldürəcəklərini bildiriblər.

Nazirliyin açıqlamasına əsasən, hadisədən bir neçə saat sonra şübhəlilər Rusiya vətəndaşlarını avtomobillərə mindirərək Marneuli bələdiyyəsi istiqamətində aparıblar.

Faktla bağlı araşdırmalar davam etdirilir.