Çin Xalq Respublikasının sədri Si Cinpin Hörmüz boğazı vasitəsilə sərbəst və təhlükəsiz gəmiçiliyin təmin olunmasının vacibliyini bəyan edib.

Bu barədə Çinin “Sinxua” agentliyi məlumat yayıb. Bildirilir ki, Çin lideri bu fikirləri Səudiyyə Ərəbistanının vəliəhdi Məhəmməd bin Salman ilə telefon danışığı zamanı səsləndirib.

Si Cinpin qeyd edib ki, Pekin Yaxın Şərqdə baş verən münaqişələrin yalnız siyasi və diplomatik yollarla həllinin tərəfdarıdır. O, həmçinin dərhal və hərtərəfli atəşkəsə çağırıb.

Çin lideri regionda sabitliyin qorunmasının vacibliyini vurğulayaraq, xüsusilə strateji nəqliyyat marşrutlarında gərginliyin artmasının qarşısının alınmasının zəruri olduğunu bildirib.