NATO gələcəkdə illik sammitlərin keçirilməsi praktikasından imtina edə bilər. Bu barədə Reuters agentliyinə altı mənbə məlumat verib.
Məlumata görə, belə bir addım ABŞ prezidenti Donald Trump ilə onun prezidentliyinin son ilində baş tuta biləcək gərgin görüşdən yayınmaq məqsədi daşıya bilər.

Qeyd olunur ki, Tramp administrasiyası son dövrlərdə alyansın bir çox üzvünü kəskin tənqid edib. Xüsusilə, bəzi ölkələr ABŞ-ın İran əleyhinə hərbi əməliyyatlarına kifayət qədər dəstək verməməkdə ittiham olunub.

Tarixə nəzər saldıqda, NATO sammitlərinin keçirilmə tezliyi müxtəlif dövrlərdə dəyişib. Lakin 2021-ci ildən etibarən alyans liderləri hər il yay mövsümündə görüşürlər. Bu il sammitin 7–8 iyul tarixlərində Ankara şəhərində keçirilməsi planlaşdırılır.

Mənbələrin bildirdiyinə görə, NATO 2028-ci ildə — ABŞ-da prezident seçkilərinin keçiriləcəyi və Trampın vəzifədə son tam təqvim ili olacaq dövrdə — ümumiyyətlə sammit keçirməmək variantını da nəzərdən keçirir.

Digər bir mənbə isə bəzi üzv ölkələrin sammitlərin iki ildən bir keçirilməsini təklif etdiyini bildirib. Qərarın yekun şəkildə alyansın baş katibi Mark Rutte tərəfindən veriləcəyi vurğulanır.