Rusiyanın Kiyev və Dneprə (Ukrayna) endirdiyi zərbələr nəticəsində doqquz nəfər həlak olub, daha 71 nəfər yaralanıb.

Bu barədə yerli hakimiyyət orqanları məlumat yayıb.

Kiyev şəhər hərbi administrasiyasının məlumatına görə, iyunun 2-də Kiyevə edilən hücum nəticəsində üç nəfər həlak olub, daha 35 nəfər, o cümlədən üç uşaq xəsarət alıb.

Öz növbəsində, Dnepropetrovsk Vilayət Hərbi Administrasiyasının rəhbəri Aleksandr Qanja Rusiyanın Dneprə endirdiyi zərbələr nəticəsində altı nəfərin həlak olduğunu, daha 36 nəfərin yaralandığını bildirib.