Serbiya Prezidenti Aleksandar Vuçiç ölkəsinin Avropa İttifaqına inteqrasiya kursunu davam etdirəcəyini və bu istiqamətdə geri addım atmayacağını bəyan edib.

Bloombergə verdiyi müsahibədə Vuçiç bildirib ki, mümkün siyasi təzyiqlərə baxmayaraq, Belqrad Avropa İttifaqına üzvlük hədəfindən imtina etməyəcək: “Biz Avropa İttifaqına gedən yoldayıq və hansı təzyiqlərlə üzləşməyimizdən asılı olmayaraq, bu yoldan dönməyəcəyik”.

Prezident əlavə edib ki, Serbiya üzvlük üçün tələb olunan kriteriyaları yerinə yetirməyə davam edəcək və bu prosesdə öz üzərinə düşən vəzifələri icra edəcək.