ABŞ və İran arasında İsveçrədə keçirilən texniki danışıqlar davam edir. ABŞ-ın vitse-prezidenti J. D. Vance İran nümayəndə heyəti ilə İsveçrənin Bürgenstock bölgəsində baş tutan görüşdən sonra bildirib ki, tərəflər məsləhətləşmələri davam etdirmək üçün nümayəndə heyətlərinin əhəmiyyətli hissəsini danışıqlar məkanında saxlayıblar.

Vens son 36 saat ərzində aparılan təmasları “çox məhsuldar” adlandıraraq, danışıqların nəticələrini müsbət qiymətləndirib. Onun sözlərinə görə, ABŞ administrasiyası İranla aparılan müzakirələrdə müəyyən irəliləyiş əlamətləri müşahidə edir.

ABŞ və İran arasında davam edən texniki danışıqların əsas məqsədi iki ölkə arasındakı fikir ayrılıqlarını azaltmaq və mümkün razılaşma istiqamətində addımlar atmaqdır. Tərəflərin məsləhətləşmələri yaxın günlərdə də davam etdirəcəyi gözlənilir.