İngiltərədə idman jurnalisti Mark Dexter 30 ildən çox əvvəl itirdiyi pul kisəsinə gözlənilmədən yenidən qovuşub.

Pul kisəsinin içərisində onun 1992–1993-cü il mövsümünə aid Leeds United klub üzvlük kartı da olub. Həmin dövrdə Mark Dexter Yorkshire Evening Post qəzetində idman müxbiri kimi çalışır və komandanın oyunlarını işıqlandırırdı.

Jurnalist pul kisəsini necə itirdiyini xatırlamadığını bildirib. O, həmin illərdə Rouden bölgəsində yaşadığını və tez-tez yerli məkanlara getdiyini desə də, əşyanın başqa bir ərazidə necə tapıldığını izah edə bilməyib.

Pul kisəsi meşə məktəbinin təşkilatçısı tərəfindən kolluq sahənin təmizlənməsi zamanı aşkar edilib. Qadın tapıntının fotolarını Facebook-da paylaşaraq sahibini axtarmağa başlayıb. Paylaşımı görən jurnalistin həyat yoldaşı ailə adından onunla əlaqə saxlayıb və pul kisəsi sahibinə qaytarılıb.

Məlumata görə, pul kisəsi əvvəllər şəxsi bağ və mehmanxana ərazisinin bir hissəsi olmuş sahədə tapılıb.

Mark Dexter bildirib ki, bu gözlənilməz tapıntı ona idman jurnalistikasında çalışdığı və həyatından böyük zövq aldığı illəri xatırladıb.