İran Silahlı Qüvvələri: Hər öldürülən iranlıya görə bir amerikalı hərbçi öldürüləcək

İran Silahlı Qüvvələrinin "Xatəm əl-Ənbiya" Mərkəzi Qərargahının komandanı Əli Abdullahi ABŞ-a qarşı sərt bəyanatla çıxış edib.

O bildirib ki, İranın hər bir həlak olan vətəndaşının qisası alınacaq.

"İslam İranının qürurlu hər bir şəhid vətəndaşının qisası olaraq bir amerikalı hərbçi məhv ediləcək", – deyə Abdullahi İran Dövlət Teleradio Şirkətinin yaydığı açıqlamada bildirib.

Bu bəyanat İran ilə ABŞ arasında gərginliyin davam etdiyi bir vaxtda səsləndirilib. ABŞ rəsmiləri isə hələlik İran komandanının açıqlamasına münasibət bildirməyiblər.