İspaniya İtaliyanın Şengen sazişinin tətbiqini dayandırmasına münasibət bildirib

İspaniyanın Baş naziri Pedro Sançes İtaliyanın Şengen sazişinin tətbiqini dayandırması fonunda Avropa İttifaqında həmrəyliyin qorunmasının vacibliyini vurğulayıb.
Baş nazir sosial şəbəkədə paylaşdığı açıqlamada bildirib ki, həmrəylik və empatiya könüllü seçim olsa da, Avropa müqavilələrinə və üzərinə götürülmüş öhdəliklərə hörmət etmək məcburidir.

Sançes qeyd edib ki, hazırkı şəraitdə Avropa ölkələrinin parçalanmaq deyil, daha güclü və vahid Avropa İttifaqının qurulması istiqamətində birgə fəaliyyət göstərməsi zəruridir.
Paylaşılan məlumata əsasən, Frontex-in 2021–2026-cı illəri əhatə edən statistikasına görə, qeyri-qanuni miqrasiya marşrutları üzrə ən çox giriş aşağıdakı istiqamətlərdə qeydə alınıb:

İtaliya üzərindən – 478 600 nəfər;
Qərbi Balkan marşrutu ilə – 340 600 nəfər;
Yunanıstan üzərindən – 259 800 nəfər;
İspaniya üzərindən – 234 760 nəfər;
Şərq sərhədi istiqamətindən – 48 000 nəfər.
İspaniya hökumətinin rəhbəri vurğulayıb ki, mövcud vəziyyət Avropa İttifaqı daxilində parçalanma deyil, birlik və əməkdaşlığın daha da gücləndirilməsini tələb edir.