Çin yeni peykini uğurla orbitə çıxarıb.

Çin bazar ertəsi ölkənin şimalındakı Şansi əyalətində yerləşən Tayyuan kosmodromundan yeni peyki kosmosa göndərib. Bu barədə Sinxua xəbər agentliyi məlumat yayıb.

SEO adlı peyk “Çançjen-2C” (Long March-2C) daşıyıcı raketinin köməyi ilə orbitə buraxılıb və uğurla nəzərdə tutulan orbitə yerləşdirilib.

Bu buraxılış “Çançjen” (“Böyük yürüş”) seriyasına aid daşıyıcı raketlərin 664-cü kosmik buraxılışı olub.

Çin son illərdə kosmik proqramını sürətlə inkişaf etdirir və peyklərin orbitə çıxarılması ölkənin kosmik fəaliyyətinin əsas istiqamətlərindən biri olaraq qalır.