Polşada əlavə zenit polku yaradılıb – təxminən 1000 hərbçi xidmət edəcək

Polşanın cənubunda əlavə zenit polku yaradılıb.
Bu barədə ölkənin milli müdafiə naziri Vladislav Kosinyak-Kamış məlumat verib.

Nazir bildirib ki, sentyabrın 4-də səhər saatlarında 87-ci zenit polkunun yaradılması ilə bağlı qərarı imzalayıb. Yeni polkun bazası Bjeşko şəhərində yerləşəcək.

Onun sözlərinə görə, polkun şəxsi heyəti təxminən 1000 hərbçidən ibarət olacaq.

Vladislav Kosinyak-Kamış qeyd edib ki, yeni hərbi birləşmə hava hücumundan, raketlərdən və pilotsuz uçuş aparatlarından müdafiə sistemləri ilə təchiz ediləcək.
Nazir polkun silahlanmasına daxil ediləcək konkret hərbi texnikanın adlarını açıqlamayıb.