ABŞ Prezidenti Donald Tramp İranla münaqişənin başa çatmasından sonra ölkədə benzin və neftin qiymətinin kəskin ucuzlaşacağını açıqlayıb.

ABŞ lideri bu barədə “Truth Social” hesabında yazıb.

Onun sözlərinə görə, münaqişə başa çatdıqdan sonra benzinin bir qallonu əvvəlcə 3 dollara, daha sonra isə 2 dollardan aşağı səviyyəyə enə bilər.

Qeyd edək ki, ABŞ-də benzin qiymətləri hazırda 4 dolları ötür. Yaxın Şərqdəki hərbi qarşıdurma və Hörmüz boğazı ətrafında yaranan gərginlik enerji bazarlarına ciddi təsir göstərib.